DuckDuckGo Help Pages logo DuckDuckGo Help Pages

Að skoða auglýsingar fellur undir persónuvernd frá DuckDuckGo.

Við eigum í samstarfi við mismunandi upplýsingagjafa til að veita DuckDuckGo leit (t.d. Microsoft fyrir auglýsingar, Apple fyrir kort o.s.frv.). Þegar þú skoðar leitarniðurstöður (þ.m.t. auglýsingar) er ekki hægt að tengja leitarniðurstöður þínar beint til þín, hvorki af okkur né samstarfsaðilum okkar. Hvernig þetta virkar tæknilega er að við geymum engin persónuleg auðkenni (t.d. IP tölu) með leitarorðum þínum og við miðlum einnig öllum beiðnum til samstarfsaðila í gegnum okkur.

Þegar þú yfirgefur vefsvæðið okkar ertu bundin(n) stefnu annarra vefsvæða, þar á meðal gagnasöfnunarferlum þeirra. Fyrir auglýsingar frá Microsoft ferðu einnig í gegnum verkvang Microsoft Advertising.

Frekari upplýsingar er að finna í persónuverndarstefnu DuckDuckGo: https://duckduckgo.com/privacy.

Auglýsingasmellum er stjórnað af auglýsinganeti Microsoft.

Microsoft og DuckDuckGo hafa tekið höndum saman til að búa til einstaka leitarlausn sem veitir þér viðeigandi auglýsingar og um leið persónuvernd. Ef þú smellir á auglýsingu sem var veitt af Microsoft verður þér beint á áfangasíðu auglýsanda í gegnum verkvang Microsoft Advertising. Á þeim tímapunkti mun Microsoft Advertising nota alla IP tölu þína og notandaþjónustustreng svo að hægt sé vinna rétt úr auglýsingasmellnum og rukka auglýsanda.

Aðrar leitarvélar tengja hegðun þína þegar þú smellir á auglýsingar við notandaprófílinn þinn sem er svo hægt að nota síðar til að beina auglýsingum til þín í gegnum þá leitarvél eða á netinu. Þegar þú smellir hins vegar á Microsoft auglýsingu sem birtist í DuckDuckGo tengir Microsoft Advertising ekki hegðun þína við notandaprófíl. Það vistar ekki heldur þær upplýsingar né deilir þeim nema í bókhaldslegum tilgangi.

Frekari upplýsingar er að finna í persónuverndarstefnu Microsoft: https://privacy.microsoft.com.